لو خيروني كلمات خالد المنصوري
بين روحى وبين حبيبى
ده أنا أبكى ليل ونهار
وأكتب فى هواه أشعار
ولايبعد حبيب قلبى
لو خيرونى
بين حبيبى وبين عيونى
أنا أسهر مانمش الليل
أقول فى عينيه مواويل
وأشوف الدنيا دى بقلبه
لو خيرونى
مابين حُبه وبين مالى
ده أنا أشتريه بالغالى
أبيع الكل وهو اللى يبقالى
ومن بين الناس يفضلى
لو خيرونى
ما بين قُـربه وبين ناسي
أختار اللى شاغل بالى
ساكن قلبى وإحساسى
لابنساه حتى لو ناسى
وأسامحه وهو ظالمنى
هاتخيرونى بإيه تانى
ده اللى من الدنيا نادانى
ملك قلبى ووجدانى
من بين الناس إخترته
وهو اللى قلبى عليه وصانى
خالد المنصوري/مصر
9/1/2020
Commentaires
Enregistrer un commentaire