طيور الغيوم ********* بقلمي / عادل عبد الرازق ---------------------- طيور الغيوم طايرة عالمكان والريح بترعش في الحيطان والمطر نازل عالمفارق واللي تايه واللي فارق واللي بايع واللي خان طيور الغيوم طايرة عالمكان والريح بترعش في الحيطان … وقلبي ماشي فارد إيديه بيحلم بحضن مرّه يداريه في قلب البرد مش لاقي حد وصوته مخنوق في دمع عينيه طيور الغيوم طاير عالمكان والريح بترعش في الحيطان … يا قلب يا تايه وبتحلم بالوصول بتمدّ الخطاوي والطريق بيطول ولا حد شايفك ولا حد عارفك حلمك ومات في تابوت مخاوفك في مدينة تعشق دمع الانسان طيور الغيوم طاير عالمكان والريح بترعش في الحيطان والبيوت ... كل البيوت قافلة البيبان *****************
Commentaires
Enregistrer un commentaire