طوق الحنان كلمات الشاعر والأديب أحمد عفيفي

/ طـوق الحـنـــان /
*************
لـو قـدرتى تشـدًى أذرى

وتـركبى مـدًى وجـزرى
وتنظرى بحُب ف عيونى
قـرًبـــى
لو بـدونى ح تبقى قادره
تبعدى الخوف عن عنيكى/
تـهـدهـدى البحر باديـكـى
غـرًبــى
مش كفايه تكونى هـمـسـه,
او شجـن لـزمـان بـيـأسى,
أو تكونى..كـتـاب شُجونى
مـش كـفايه تـكونى شطّـى,
او تـكـونـى بـراح لخـطًـى,
او ريـاح شـكّـى , وجنـونى!
***
كان مُـنايا اخطّـى بــيـكـى
الـعُـمـر كـله,
كـنـت فاكر قـلـبـى -طـوق-
مستحـيــل..تـتـخـلًـى عـنًـه
***
مِـش ف بـنـد العـشـق انِـك
تِنكِرى التفاصيل
لو تنكِرى..انـا مش ح اميل
ح افتكر غدرك وح اطـوى
صـفحـتـك وانسى اللى كـان
انـتـى اللـى ودًرتـى الـهـوى,
وطـوق الحنـان
انتى اللى ضِعـتى مـش انــا,
انتى اللى خان
***************
# من ديوانى- ح تصدقى؟-