رقصة أخيرة كلمات عادل عبد الرازق
*********
بقلمي / عادل عبد الرازق
-----------------------
هاتي إيدك وارقصبلي
رقصة أخيرة .. ونفترق
يمكن يكون أخر وداع
أو بداية مفترق
…
رقصة أخيرة …
وامشي من طريق
وتمشي إنتي من طريق
والبحر يطلبنا للغرق
…
شمس المدينة غيًمت
مش يالاّ نبدأ رقصتنا
قبل ما تنزف دموعنا وتبكي اللي راح
ولا نشتهي غير بس ذكرانا
… والجراح
رقصة وداع هيّ اللي بينا
وحتنتهي
وحاتهزميني زي كل مرّة
وانا مطرحي
…
أرجوكي ترقصيلي
رقصة أخيرة
وبعدها سيبيني
لأحلامي الكسيرة
,,,
رقصة أخيرة
ونبتدي الوداع
رقصة أخيرة
ونبتدي الضياع
رقصة أخيرة
وتبتدي ذكرانا الكسيرة
******
Commentaires
Enregistrer un commentaire